साम्जिक चक्तुमलो मुन्धुम चक्तुमलो ।
खाम्छी छिरीरो खामलन्दी साःमा (साःमेन्छा)
लुङछी छिरीग लुङ्बोःङ्बा साःमा
यो मेन्छाम् तुम्बुमा याप्मी तुम्बुमा
ए मुजीङ्नामारो खेयङ्नामा आः
थाप्साङ लन्देआङ लदेन लन्देआङ
थो फक्ताङ लुङ्मेथो पेम्बेन वामेत्थो
चुक्मु नेन्छीङ्ङाङ् हिङमु नेन्छीङ्ङाङ्
चुक्मु लोरेल्यः हिङमु लोरेल्ये
मेन्जाङ् चाङ्लेग चाङ्मा मेन्नेगः
नावा आनयातनेन खेम्सीङ आनयातनेन
थो तागेरा हिम्धोः निङ्वाफु हिम्धोः
वाःशा पेगेआङ थोलाम पेगेआङ
तागेरा मारे, निङ्वाफु मारे,
साघी(साखिमा) हेःरु आङ माघी (माङ् खी) हेःरु आङः
लाङ फोलो फोलो थाक्साङ् युङसीङ् आङः
हुक फोलो फोलो खेजोङ युङसीङ आङ्
वाया चोगुरो चिरिक् चोगुआः
वाया मु चाक्तु तागावा चाक्तु
तुङगुल्ली चाङ्लो सिम्बुम्मा चाङ्लो
मुजीङ्नामाग खेयङ्नामाग
कोइ लाङ्घेक्लो आत्तु थासीङ्ङाङ्
तोदो लाङ्घेक्वा साम्नु थासिङ्ङाङ्
चुक्मु नेन्छीङ्लो हिङमु नेन्छीङ्लो
सिसा केःरेरो मेन्छिन् केःरेरो
सेन्दि लोसिङलो तुम्मा लोसिङलो
थो आङसुकाङ पोन्लो नोबोन्नाङ् पोन्लो
वाया आःङ पोरो तगापाङ पोरो
सिसा केःरेरो मेन्छिन् केःरेरो
आङगा थाबे आङः होप्लो पायो आङः होप्लो
थामे आङः होप्लो मायो आङः होप्लो
याङसिङ्ङाङ् होप्लो सम्माःबा आङः मेहोप
तेत्ली आङः होप्लो नुःसा आङः मेहोप
तेत्ली आङः होप्लो नेःआङनी मेहोप
याम्मु इगेन्नाङ होप्लो तगेन्नाङ् मेहोप
लोक्फा आङ होप्लो सिङ्घिममाङ होप्लो
इगेन् मेन्नेगः तगेन् मेन्नेगः
थक्लुङ मेबोङनेन् काप्मेप मेबोङनेन्
नावा मेयात्नेन् खेम्सिङ मेयात्नेन्
यो तिमेन् ताल्लारो वरङ तालामा
यो तिमेन् पिबारो वरङ पिबारो
सुरावेत तेम्बे खोन्दोप्ला तेम्बे
थोसु इङबेल्लो खाङला इङबेन्गः
योसु इङबारो सुरा इङबेन्गः
लक्लेलक् लकले पेलीरग पान्लो
थो सिन्युक पिबारो मुदेन पिबारो
थो सुरावेत तेम्बे काम्फोना तेम्बे
थोसु इङबेल्लो खाङला इङबेन्न्
योसु इङबारो सुरा इङबेन्न्
लक्लेलक् लकले पेली र पाःरे
यो साङगफे कफे नाङवामा चङधो
मुजिङ्नामाग खेयङ्नामाग
सिसा केःरेआङ मेन्छिन् केःरेआङ
साम्हिक् मुक्तेल्ले केजङ मुक्तेल्ले
यो साङगफे कफे नावामा चङधो
लिङगफे कफे नावामा चङधो
केरुङ तोसेल्ले कुहिम तोसेल्ले
साम्मेतरक मुक्ते केजङ लक मुक्ते
साम्मेत्ले मुःतु आङ केजङले मुःतु आङ
मुजिङनामाग खेयङनामागः
आबुरग लाःरुरो सारुङःरक लाःरुरो
लेक्वा पेगेल्यः थिकला पेगेल्ले
केरुङ् लः नेत्लो कुहिमलक् नेत्लो
लेक्वा पेगेल्ले निःला पेगेल्ले
आङतुक्ल थाङग साहामःलत थाङग
लेक्वा पेगेल्ले सुम्ला पेगल्ले
कुजेक साम्मेत् लत्तुरो केजङ लत्तुरो
लेक्वा पेगेल्यः निला पेगेल्ले
हाङ्गेन्न्लकः पोक्लो सिक्चारक पोक्लो
लेक्वा पेगेल्य ङा्ला पेगेल्लए
ओःरा रक लोःरो पितथम लकः लोःरो
आङगा याङसाः चोक्ङाई कुन्धे चोक्ङाई
पेली पान्छि्ङलो योबान पान्छि्ङलो
सिक्कुम् लकः तेसेः निङ्वारक तेसेः
याम्मु मुजिङ्नामाग खेयङनामाग
याम्मु लेक्वा पेगेल्ले तुक्ला पेगेल्ले
थिन्दाङ पोःहेक्ते सादुङ पोःहेक्त्या
याङसाः चोक्ङाई कुन्धे चोक्ङाई
याम्मु सुमसुनि हेक्ते लिलिमनी हेक्ते
खाम्जुममिः हेक्ते खाम्मीतनिः हेक्ते
लेक्वा पेगेरो नुःला पेगेल्या
याम्मु नुम्जीनी चेःयेरो युङघाङनी चेःयेरो
लेक्वा पेगेल्य येःत्ला पेगेल्ले
खाम्जुम मिसेन्न् खाप्लेप मिःसे आः
खामजुमरक चेःयेरो आप्लेप्रक चेःयेरो
मुजिङनामाग खेयङ्नामाग
सिक्कुम् मःयेरो निङ्वा मःयेरो
लेक्वा पेगेरो फाङला पेगेल्ले
आबुरक पोरेरो साःरुङलक पोरेरो
लेक्वा पेगेल्ले थिबोङला पेःआ
थिङदाङ साःदुङले साःयो साःदुङले
हुक्सो तेम्सुरो ताःङे तेम्सुल्ले
मुजिङ्नामाग खेयङ्नामाग
सिधि खानाम्ले फेक्का नाम्मारे
मादि खानाम्ले फेक्का नाम्मारे
हुक्सो खेङ्सीङ्लो ताःङे खेङ्सीङ्लो
थुङबो सामारो केःगेकः युङसीङ्ङाङ्
थिङ्दाङ वाःरेरो साःयो वाःरेरो
लाईकुम साःरो फेःमीइ आङ् साःरो
याङमीन केदिम्बा फक्तुङ केदिम्बा
माःसा केम्मारो चङलेङ वाःबामु
पाःसा केम्मारो चङलेङ वाःसा रो
लेक्वा पेगेल्ले लियान पेगेल्ले
अःया मेफोक्सु याङ्दाङ् मेफोक्सु
सामसुत मेवान्दु युःमिङ मेवान्दु
नोगेन रो
भुमी सौदेन लिम्बु
ताप्लेजुङ यभलुङ्ग फावामा
