सिलाम साक्मा मुन्धुम

सिलाम साक्मा मुन्धुम
साम्जिक लथिकलो मुन्धुम् लथिकलो
अक्खे लथिकलो ताजेङ् लथिक्लो
अक्केरिक पेगिरो ताजेंग नु पेगिरो
तागेरामांगले निङ्वाफुमांगले
सेमिक्ला खप्पुनु पक्मिक्ला खप्पुनु
तागेरा वाहिरो निवाफु वहिरो
मेन्छाम् चइत्तिन् याप्मि चइत्तिन्
हुक्सो चोगुबा ताङे चोगुबा
पेलि सात्तुले पाजा सात्तुल्ले
हाङ्गेन् पोगेआङ् सिक्चा पोगेआङ्
थिया मु थोक्तुमु नारा मु थोक्तुमु
सागु मु पिक्से सक्मा मु पिक्से
सेनिंग तुम्बारे कुवा तुम्बारे
सागु लेक्वायेम्सिंगरो सक्मा लेक्वायेम्सिंगरो
साघु लासे सक्मा लासे
मेन्छाम् पोखे मु याप्मि पोखे मु
साम्जिक पोङ्मेरो मुन्धुम् पोङ्मेरो
मुया यम्बाल्ले सामु यम्बाल्ले
आप्ना चोगुसि सिधे चोगुसि
युक्फुङ् पेगेल्ले सावान् पेगेल्ले
योगुमु पेमु चङ्सि पेमु
थिक्नाम्ला साहा थेनाम्ला साहा
मेन्छाम्माङ् साहाओ याप्मिआङ् साहाओ
आसि पोखेमु सिमा पोखेमु
सावा पाङ्भेमु येत्हाङ् पाङ्भेमु
आसि मुक्तेमु सिमामु मुक्तेमु
आप्फा चोक्मारो आच्चुम् चोक्मारो
सिक्कुम् मयेआङ् निङ्वा मयेआङ्
सावाआङ् साहा येत्हाङ्आङ् साहा
आसि पोखेल्ले सिमा पोखेल्ले
आसि साक्मारो सिलाम् साक्मारो
तागेरामेथो निङ्वाफुमेथो
वसा मेबेआङ् थोलाम् मेबेआङ्
सेवा मेजोगु सेन्दो मेजोगु
तागेरामेल्ले निङ्वाफुमाल्ले
सिक्कुम्म् पिरूसि निङ्वा पिरूसि
साम्जिक इसिक्लो मुन्धुम् इसिकलो
साप्सिङ्बुङ्मेग येये नाम्बेनु
हु मुक्तुबुङ्मेन् ग साङ्तेरेप्मा नु
आसि साक्तुम्लो सिलाम् साक्तुम्लो
लासेभादेन्थो नाम् सेभादेन्थो
तुत्तु चोलुङ्गथो तुम्म्याङ् चोलुङ्गथो
आप्लुङ्ग पेक्मेल्ले ताङ्सेप् पेक्मेल्ले
तुत्तु युक्ना थो तुम्म्याङ् युक्ना थो
कुजङ् थोग मु सेसे केलबा
कुसिगाङ्ग मु माक्से केलबा
तिङ्दिङ् पोक्मेबा नाहेन् पोक्मेबा
आसि पोक्मेबा सिमा पोक्मेबा
माङ्लोक् उबेन्नु चियेङ् उबेन्नु
तेल्लालाबेन्नु लाभुङे उबेन्नु
मुक्तुबुङ्गमेननु साङ्तेरेप्मेननु
साम्माङ् निसानु कुमाङ् निसानु
आसि साक्तुम्लो सिलाम् साक्तुम्लो
कबुरे येप्तुम् कुफाक् रे येप्तुम्
कुफाक् लाम् गमु हेत्केलरेबा
कुधि:लाम् गमु माक्चेरेप् लरेबा
मिलि थिमेन्नु पेदि थिमेन्नु
आसि साक्तुम्लो सिलाम् साक्तुम्लो
मुरुम्नि सेन्नुमु इनानि सेन्नुमु
योगुनि मुक्मु चङ्सिनि मुक्मु
योगु मेम्मुक्के चङ्सि मेम्मुक्के
आसि केसाक्पा सिलाम् केसाक्पा
आसि साक्तुङरो सिलाम् साक्तुङरो
चङ्सिङ्बुङ्मेन् ग योगु साक्तुल्ले
खेलुम्बुङ्मेन् ग खियेल्लामे ग
योगुमा लाम्हा चङ्सि लाम्हा
वसा साक्तुम्लो सिलाम् साक्तुम्लो
सिक् पोक्मा लाम्मिन् हिङ्दोमा लाम्मिन्
वसा हम्मारो थोलाम् हम्मारो
आप्लुङ्मा लाम्थो ताङ्सेप्मा लाम्थो
आप्लुङ्दाङ्हाबे ताङ्सेप्दाङ्हाबे
मुरूम्दाङ्हाबे इनादाङ्हाबे
सोम्बोंगदाङ्हासे हुक्वादाङ्हासे
पइदाङ्हाबसे लाङ्वादाङेहाबसे
आप्लुङ् मेयात्ल ताङ्सेप् मेयात्ल
सिजो मादेन्थो पेहि मादेन्थो
वया नेमेना लाप्साङ् नेमेना
मुया नेत्तिरो लाप्साङ् नेत्तिरो
आसि साक्तुम्लो सिलाम् साक्तुम्लो
साम्मा निसारो माङ्नु निसा रो
ला निसारो नाम् निसारो
ला निसारेग हेप्साङ् मुनेमेबा
नाम् निसारेग हेप्साङ् मु नेमेबा
आप्लुङ्मेनुर ताङ्सेप् मेनुर
नावा मेयात्ल खेम्सिङ् मेयात्ल
सिफाक्काङ् सारे येमिआङ् सारे
कप्फा चाङ्खुम्सिम् मुरुम चाङ्खुम्सिम्
फेगे हिसुम्सिम् फेवा हिसुम्सिम्
खोजुम् हिसुम्सिम् खोया हिसुम्सिम्
तागेरा पाचा निङ्वाफु पाचा
मुजोक्लुङ्ग पाचा खेजोक्लुङ्ग पाचा
थाङ् थाङ् मेतुम्सिरो येम्भे मेतुम्सिरो
असा साक्तेरो सिलाम् साक्तेरो
सावा पोखेल्ले येत्थाक् पपोखेल्ले
पेलि पोखेल्ले पाजा पोखेल्ले
साम्जिक मेम्बेन्ने मुन्धुम् मेम्बेन्ने
अक्खे मेम्बेन्ने ताजेङ् मेम्बेन्ने
सावारा साम्बसे येत्छाम् मु साम्बसे
सिबाक सोबुसे येमि सोबुसे
फेलि सोबुसे फेदाङ् सोबुसे
इक्शा हुप्तुम्रलो खाम्बेक हुप्तुमलो
इक्शा मेनपांगे खाम्बेक मेनपांगे
साम्जिक् हुप्तुमलो मुन्धुम् हुप्तुमलो
अक्खे हुप्तुमलो ताजेङ् हुप्तुमलो

भुमि सौदेन लिम्बु ताप्लेजुंग
सिकैचा ८ ओसे फावाखोला